Амандманската расправа за ребалансот на Буџетот за 2024 продолжува утре

Собраниската Комисија за финансирање и буџет денеска на продолжението од третиот ден од амандманската расправа за ребалансот на Буџетот за 2024 година разгледа и не усвои 11 амандмани.
Најголем дел од амандманите беа поднесени од Европски фронт, а се однесуваа на средства за изградба на инфраструктурни проекти за водовод и канализација во Општина Кичево и општина Арачиново.
Не беа усвоени ниту амандманите од СДСМ за проект за водоснабдување во село Бистрица - Општина Битола, средства за проект за намалување на загубите на вода во Општина Валандово и амандманите за земјоделството, помеѓу кои беше и тој за предвремена исплата на субвенции за земјоделци.
Заменик-министерот за финансии, Николче Јанкуловски, во образложенијата за одбивање на амандманите наведе дека за дел се предвидени средства во рамките на Министерството за животна средина и просторно планирање, а за сите преземени обврски во однос на земјоделците се предвидени средства со ребалансот на Буџетот.
Претходно денеска Комисијата разгледа и не усвои 10 други амандмани и еден беше повлечен од предлагачите.
Десетте амандмани што не беа усвоени на првиот дел од денешната расправа беа, исто така, поднесени од пратениците од Европскиот фронт и со нив се бараа средства за инфраструктурни проекти во општините Липково, Долнени, Сарај, Центар Жупа, Гостивар и Врапчиште.
Во образложенијата за одбивањето на амандманите заменик-министерот за финансии Николче Јанкуловски ги повика општините да аплицираат со проекти во Министерството за транспорт и врски кое преку програмата за проекти за обнова и рехабилитација на локални патишта има обезбедено 107 милиони евра, а и од овој ребаланс на Буџетот за таа намена се обезбедени дополнителни 12,3 милиони евра.
Повлечен беше амандман поднесен од пратеничките од опозицијата Моника Зајкова и Бисера Костадиновска Стојчевска.
Согласно Деловникот, амандманската расправа треба да заврши за шест дена. За ребалансот на Буџетот беа поднесени 58 амандмани, но во текот на расправата дел од нив беа повлечени од предлагачите. Комисијата досега не прифати ниту еден амандман, а во изминативе три дена разгледа и одби вкупно 37 амандмани.
Седницата продолжува утре во 11:30 часот.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
