Преглед на вестите од светот

Еден припадник на грчката гранична полиција се бори за живот, откако бил застрелан од страна на напаѓачи, чиј идентитет се уште не е откриен. Според информациите на грчката полиција, напаѓачи отвориле оган врз патрола на граничната полиција во близина на границата на Грција со Турција.

Граничниот полицаец е хоспитализиран, а освен него нема други повредени.

Истрелите доаѓале од турска територија, додека грчките граничари се обидувале да спречат мигранти илегално да преминат од Турција во област во близина на реката Марица на грчка страна.

Никој не го предупредил Доналд Трамп дека му се спрема атентатот. Претседателскиот кандидат за Фокс Њуз изјави дека никој не му соопштил дека има проблем пред неговиот говор на митингот во Пенсилвенија, практично пред да го погоди куршумот во уво.

Доналд Трамп, кандидат за претседател на САД

„Никој не спомна, никој не рече дека има проблем. Ќе чекав 15, тие можеа да кажат ајде да чекаме 15 минути, 20 минути, 5 минути, нешто. Никој не рече. Мислам дека тоа беше грешка“

 „Како некој се качи на тој покрив? И зошто не беше пријавен?

„Вашингтон пост“ вчера објави дека највисоките функционери на американската тајна, служба постојано ги одбивале барањата од безбедносните детали на Трамп за поголема работна сила и опрема за настаните пред обидот за атентат.

Агенцијата, која е одговорна за заштитата на Трамп, ги одби овие барања, велејќи на моменти дека нема ресурси, објави весникот, цитирајќи луѓе запознаени со ова прашање. Тајната служба не одговори веднаш надвор од редовното работно време на барањето на Ројтерс за коментар.

Властите во Бангладеш денеска го продолжија полицискиот час ширум земјата, бидејќи се очекува Врховниот суд на земјата да донесе одлука за квоти за ангажирање државни службеници кои предизвикаа неколкудневни протести во кои загинаа најмалку 114 лица, јавија светските агенции.

Воениот персонал продолжува да патролира по улиците на главниот град Дака, центарот на демонстрациите кои прераснаа во судири меѓу демонстрантите и органите на редот. Пристапот до интернет во земјава е прекинат од четвртокот, а нема можност за размена на СМС пораки.

Полицискиот час беше воведен доцна во петокот, а денеска беше продолжен до крајот на седницата на Врховниот суд во 15 часот по локално време, по што најверојатно ќе биде повторно продолжен „на неодредено“ по пауза од два часа, време во кое ќе им биде дозволено на луѓето да пазарат, објавија локалните медиуми. Од средата затворени се и универзитетите и колеџите.

Премиерот на земјата, шеикот Хасина Вазед, ги прогласи денеска и утре за неработни денови, а ќе работат само итните служби.

Националните протести избија откако студентите во земјата се побунија против квотите за работни места во јавниот сектор, кои предвидуваат 30 отсто од позициите да бидат резервирани за семејствата на луѓето кои се бореле во војната за независност од Пакистан во 1971 година.