Македонски шверцери фатени со скапи часовници на Прешево-Табановце
На граничниот премин Прешево-Табановце, српските царински службеници во средата, спречиле обид за шверц на три скапи рачни часовници чија вредност се проценува на повеќе од 34.000 евра, јави дописникот на МИА од Белград.
Царинската управа соопшти дека шверцерите биле откриени на влез во Србија, при преглед на автомобил со странски регистарски таблици.
-И возачот и неговата придружничка, кои патувале од Северна Македонија за Чешка, рекле дека немаат што да пријават освен личниот багаж. Но, при детален преглед, царинските службеници забележале дека возачот има часовник на двете раце: половен „Rolex“ и сосема нов „ Hublot Spirit of Big Bang “ на кој се наоѓала заштитна фолија, се наведува во соопштението на царината.
Потоа, во јакната, која висела во автомобилот, биле пронајдени уште два нови рачни часовници: машки „Zenith Defy El Primero 21“ и женскиот „Zenith Defy“.
-На патникот, кој изјави дека има дуќан за продажба на часовници во Чешка, му е вратен користениот Rolex, а новите часовници за кои немал никаква документација, со судска одлука трајно му се одземени, наведоа од Царинската управа на Србија.
Ново на Сител
-
МВР: Претрес во Куманово, приведен дилер, пронајдена дрога
-
ЦУК: Вкупно 1.704 повици на 112, четири пожари на отворено и апел за редовно чистење на локалните одводни канали
-
Состанок на Постојаната експертска група за болеста африканска чума кај свињите
-
Регистрирани се нови 57 случаи на Ковид, како последица на вирусот починале четири лица
-
ЈП Комунална хигиена - Скопје: Oтстранети диви депонии на пластичарска улица и во населбата Топаана
-
Претрес во Гевгелија, пронајдена дрога
-
АП Брера Струмица дебитира во младинската Лига на шампиони
-
Грција ќе забрани издавање нови дозволи за краткорочно изнајмување во центарот на Атина