Шестмина ирански мигранти си ги сошија устите како протест за уривање на кампот во Кале

Шестмина ирански мигранти вчера си ги сошија устите во знак на протест против масовното евакуирање и разурнување на голем дел од бегалскиот камп крај Кале, во очајниот обид да го привлечат вниманието на меѓународната јавност за нивната тешка судбина, пренесува БТА.

Необичниот протест почна на третиот ден од операцијата на властите за уривање на кампот, познат како „Џунгла“. Поголемиот дел од неколкуте илјади лица кои престојуваат во кампот имаат намера да заминат за Велика Британија.

Некои од мигрантите беа качени на покривите од колибите во обид да ги спасат од булдожерите, а други, пак, ги запалија.

Иранците кои демонстрираа во раце држеа транспарент  на кој имаа истакнато барање кампот да биде посетен од претставник на ОН.