Симеоне незадоволен од играта во одбрана на неговиот тим

Тренерот на Атлетико Мадрид, Диего Симеоне ги критикуваше своите фудбалери за играта во дефанзива по синоќешните 2:2 со Алмерија.

По овој „кикс“ со последнопласираната Алмерија, Атетико Мадрид ги намали своите шанси во трката за трофејот во Ла Лига.

- Почнавме многу добро. Два пати водевме, но игравме слабо дефанзивно во периодите кога ги примивме головите. Не одигравме толку сигурно како што требаше, вклучително и кога Мелеро во судиското надополнување можеше да го постигне нашиот трет гол. Имавме шанси во нападот, головите ќе дојдат, но треба да ја подобриме играта во одбраната. Ми се допадна енергијата и односот на тимот, тие беа цело време фокусирани на напад, а јас ќе бидам со играчите до крајот, изјави Симеоне.

Со 49 бодови од 26 натпревари Атлетико Мадрид во моментов е на четвртото место во Шпанското фудбалско првенство. На првите три места се Реал Мадрид со 62, Барселона со 57 и Жирона со 56 бодови.