Пронајдено тело на 41-годишник од Шишево кој паднал од мост во Треска

Вчера во 12.15 часот во СВР Скопје било пријавено дека М.А.(41) од с.Шишево, скопско, лице со здравствени проблеми, паднал од мост во селото во реката Треска, информира МВР.

Како што информираат оттаму, по преземени мерки, полициски службеници од Полициското одделение Сарај, Полициската станица Ѓорче Петров и Единицата за интервентна полиција при СВР Скопје го пронашле телото, а лекар од Итна медицинска помош констатирал смрт без траги на насилство.

По наредба на јавен обвинител, телото на починатиот било дадено на семејството.