Белингем: Убаво е кога се постигнува решавачки гол во судиското надополнување, но срцето ќе ми биде подобро ако почнам да погодувам порано

Фудбалерот од средниот ред на Реал Мадрид, Џуд Белингем даде свое видување за победата над Унион остварена вчеравечер со 1:0 во 1. коло од групната фаза на Лигата на шампионите.

Белингем го постигна единствениот гол на натпреварот во четвртата минута од судиското надополнување.

- Доминиравме во текот на целиот натпревар, создавајќи добри шанси за гол. Победата е сосема заслужена. Многу сум им благодарен на сите што направија голема работа за да ме интегрираат во клубот. Се надевам дека ќе продолжам да постигнувам гол во 90+4 или 90+5 минут, иИако ќе биде подобро за моето срце ако почнам рано да постигнувам голови, изјави Белингем.

Дваесетгодишниот Британец беше прогласен за најдобар играч на натпреварот против Унион Берлин.

По натпреварот, капитенот на Реал, Начо изјави дека Белингем е роден да игра за клубот од Мадрид.