Се укинува забраната за тешки возила на автопатот Атина-Солун
Од шест часот утрово, се укинува забраната за тешки возила над 3,5 тони на автопатот Атина-Солун, а сообраќајот и во двата правци и понатаму ќе се одвива исклучиво по левата коловозна лента, исто како што важи и за автомобилите, јави дописничката на МИА од Атина.
За укинувањето на забраната информираа и од Министерството за транспорт и инфраструктура на Грција и од компанијата која управува со автопатот.
Од Министерството соопштија дека одлуката е по соодветниот технички извештај по направените контроли и се однесува на возила со тежина до 44 тони, додека пак од компанијата потенцираа дека сообраќајот за тешки возила ќе се одвива само по левата коловозна лента во двата правци, до целосно повлекување на водата и повторна проверка на автопатот.
– За олеснување и безбедност на сите возачи, на возачите на тешки возила им се препорачува да одржуваат растојание од 100 метри од возилото пред нив, додека од сите возачи се бара да се придржуваат до ограничувањето на брзината од 80 километри и да ги следат упатствата на сообраќајната полиција, соопштија од компанијата која управува со автопатот.
Автопатот Атина – Солун, во делот околу Лариса, беше зафатен од поплавите и целосно затворен за сообраќај речиси една седмица поради изливањето на реката Пиниос, а во петокот беше укината забраната, но само за автомобили и возила до 3,5 тони.
Ново на Сител
-
УНИЦЕФ: На 26.000 деца во Појасот Газа им е потребно лекување од акутна неухранетост
-
Орбан: Шведска се одјави од цивилизацијата, мафијата искористила 284 малолетнички за да извршат убиство, знае дека не можат да бидат обвинети
-
Трамп: Ја сакам Украина, но земјата е во сериозна неволја
-
ИЈЗ: Нема отстапки во вредностите за радијација во воздухот и почвата по пожарот во Трубарево, ниту тешки метали во водите
-
Агресивно се однесувал кон полициски службеници, приведен 50-годишник
-
СВР Велес попладнево со нови информации во врска со двојно убиство и самоубиство во Велес
-
Приведен 47-годишник, при претрес пронајдени стебла канабис | ФОТО
-
Почина холивудската икона Роберт Редфорд