СПМ: Eкономската политика на Владата e хаотична и несистемска со ограничувачки долгорочни негативни тенденции
Социјалистичката партија на Македонија економската политика на Владата ја оценува како хаотична и несистемска со ограничувачки долгорочни негативни тенденции.
Со раст на цените и со намален стандард граѓаните се разочарани и апатични. Платите на најголемниот дел од работниците не растат и не може да се покрие јазот што го создаде инфлацијата, а исто е и кај пензиите кои ја губат трката со цените. Сиромаштијата што ја создаде СДС се зголемува на штета на најпогодените категории граѓани.
Власта очекува намалување на цените и на инфлацијата, но спротивно на тие нерационални очекувања инфлацијата се одржува и натаму и влијае на нискиот стандард на граѓаните.
Премиерот Ковачевски често го споредува стандардот од поранешна Југославија и се фали дека македонските граѓани со него ќе имаат повторно поголем стандард од државите со кои врши споредба.
Меѓутоа, Ковачевски манипулирајќи не кажува што тој направил во неговиот мандат и во 6 годишниот мандат на СДС освен раст на сиромаштијата, на корупцијата и на крадењето, а кога вели дека ќе донесе одлуки и ќе направи сè тој за тоа очекува децениски премиерски мандат. Овие негови нереални очекувања и несериозни надежи за Македонија претставуваат дополнителен товар.
Компарацијата на Ковачевски не е да ја поттикне југоносталгијата туку да врши притисок за уставни измени дека само со поддршка од ЕУ ќе расте стандардот на граѓаните и ќе се развива државата.
Социјалистичката партија на Македонија заедно со граѓаните оддамна ја согледа неспособноста на владата на Ковачевски и Груби кои се специјализирани за корупција, лажење и крадење.
Затоа, Социјалистичката партија на Македонија заедно со опозицииските партии бара нивна итна смена и одговорност за да се изберат чесни политичари кои ќе ја имаат поддршката од народот.
Социјалистичка партија на Македонија
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија