АЗ Алкмар го затвори стадионот за 43 свои навивачи
Раководството на холандскиот фудбалски прволигаш АЗ Алкмар изрече забрана за влез на клупскиот стадион за 43 навивачи кои нападнаа симпатизери на лондонски Вест Хем за време на минатонеделниот реванш полуфинален натпревар во Лигата на конференции.
Вест Хем триумфираше на гостувањето во Холандија со 1-0 и вкупен резултат од 3-1 обезбеди пласман во финалето во кое на 7 јуни во Прага ќе игра против Фиорентина.
По завршувањето на реваншот во Алкмар, група домашни хулигани го пробија заштитниот кордон и влегоа на дел од централната трибини каде беа сместени околу 200 навивачи на Вест Хем, во најголем број семејства и пријатели на фудбалерите на Вест Хем.
Навивачите на АЗ ги нападнаа гостите, по што неколку фудбалери на Вест Хем ја прескокнаа оградата и влегоа во метежот за да ги одбранат своите семејства и пријатели. Полицијата и обезбедувањето брзо пристигнаа на местото на инцидентот и спречија негова ескалација, а редот беше воспоставен по десет минути.
„АЗ издаде 43 забрани за влез на стадионот како одговор на минатонеделните немири“, соопшти клубот од Алкмар, додавајќи оти против инволвираните во тек е и кривична истрага од страна на холандските власти.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола