Струга ја врати предноста од пет бода на врвот

Екипата на Струга со уште една победа потврди дека е на вистинскиот пат да го освои првиот шампионски трофеј откако убедливо со 3-0 славеше на гостувањето кај Брегалница во Штип. 

Резултатот со прекрасен удар уште во 8-та минута го отвори Малески по што Брегалница не успеа да се опорави и во продолжението Бесарт Ибраими  го зголемува водството на 2-0. 

Точка на мечот на почетокот на вториот дел стави Марјан Радески со што продолжува успешната серија на Стружани под водството на Шпетим Дуро. 

Со овој триумф Струга Трим Лум ја врати предноста од 5 бода во однос на второпласираната Шкендија односно 7 пред Шкупи.