Талевски : Највисоки откупни цени и рекордни 26 милиони евра за тутунарите

Почитувани граѓани, почитувани новинари,

Владата предводена од СДСМ покажува што значи вистинска грижа за сите земјоделци.

На сметките на речици 16.000 тутунопроизводители исплатени се рекордни 26 милиони евра субвенции.

Како и досега износот на субвенции беше скалест односно 80 денари по килограм за прва класа произведен и предаден тутун, 70 денари за втора класа и 60 денари за трета класа произведен и предаден тутун во откупните претпријатија.

Дури 80 отсто од откупениот тутун е од првата класа што е доказ за квалитетот на последната реколта.

Оваа година имаме и историски најуспешен откуп кој помина без ниту еден проблем, а целокупното производство од реколтата 2022 беше откупено два месеци порано пред истекот на законскиот рок.

Постигната е рекордна откупна цена од 290 денари по килограм, што е зголемување за 44% во споредба со реколтата од 2021 година.

За реколтата 2022 година беа склучени 29.429 договори што е за околу 6 отсто повеќе од минатата година кога биле склучени 27.712 договори.

За оваа реколта, реколтата 2023та, бројот на склучени договори е зголемен на 30.610 договори што покажува дека се зголемува интересот за одгледување на оваа земјоделска култура.

Почитувани,

СДСМ како одговорна партија продолжува да ги поддржува земјоделците, субвенциите се исплаќаат редовно и неселективно, тогаш кога на земјоделците им се најпотребни за да се подготват за новата производствена сезона.

Продолжуваме со вистинска грижа за сите граѓани.

Прес-конференција, Миле Талевски, пратеник на СДСМ

СДСМ - Центар за комуникации со јавноста