Амандманите за измени на Законот за минерални суровини за коридорите 8 и 10д пред Комисијата економски прашања
Собраниската Комисија за економски прашања денеска треба да одржи продолжение на 21 седница на која на дневен ред е Предлог на закон за изменување и дополнување на Законот за минерални суровини, по скратена постапка, поврзан со експлоатација на суровини долж коридорите 8 и 10д.
Седницата започна пред велигденските празници, но дневниот ред не беше усвоен. Пратениците од ВМРО-ДПМНЕ имаа процедурални забелешки со коишто, меѓудругото, бараа Владата да го објави договорот со Бехтел и Енка за изградба на коридорите и ги повторија сомнежите за можни коруптивни дејствија.
Претседателот на Комисијата Диме Велков замоли да не се злоупотребуваат процедуралните забелешки на седницата и информираше дека за законот се поднесени четири амандмани, два од ВМРО-ДПМНЕ и два од пратеникот Љупчо Балковски од ВМРО-НП.
Пратеникот Тони Јаревски од ВМРО-ДПМНЕ посочи дека со една од одредбите од Законот се овозможува изведувачот да може да копа каде и колку што сака. Јаревски оцени дека се избегнува добивање дозвола од надлежни институции, посочувајќи дека на овој дел ВМРО- ДПМНЕ има поднесено амандман. Вториот нивни амандман се однесува на одредбата уште шест месеци по завршувањето на работите на коридорот да може тие што добиле одобрание да ископуваат суровини.
Во Собранието денеска две седници ќе одржи и Законодавно-правната комисија.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
