Детектор: Две третини од граѓаните сметаат дека учениците учат од лоши учебници

Граѓаните се најнезадоволни од квалитетот на учебниците, покажува најновото истражување на јавното мислење кое за Детектор го спроведе Институтот за политички истражувања Скопје.

Дури 64,8% од нив изразиле незадоволство од квалитетот на учебниците додека како задоволни се изјасниле само 19,6%

Од наставните програми исто така има големо незадоволство. 56,8% од граѓаните рекле дека не се задоволни наспроти 22,1% кои рекле дека се задоволни. Од наставниот кадар не се задоволни 44,8% од анкетираните додека 36% немаат проблем со наставниците.

Анкетата на Институтот за политички истражувања Скопје е спроведена од 28 февруари до 3 март оваа година врз репрезентативен примерок од 1107 испитаници.