Најстудено во Берово и во Битола, најтопло во Дојран

Најниски -10 степени утрово во 8.30 часот се измерени во Берово и во Битола, во Дојран два степени.

Од Управата за хидрометеоролошки работи информираат дека -9 степени се измерени во Скопје-Петровец, -8 Демир Капија, -7 Прилеп, Струмица и Штип, -6 Маврови Анови и Крива Паланка, -5 Попова Шапка, Претор, Охрид и Тетово, -4 во Виница, Скопје-Зајчев Рид, -3 Крушево, Гевгелија и -2 степени во Куманово. 

Висината на снежната покривка утрово е 46 сантиметри на Попова Шапка, 18 во Маврови Анови, 12 Лазарополе, три сантиметри во Крушево и два во Ѓуриште.

Во текот на ноќта времето беше ведро и студено, на места со слаб ветер од северен правец. Утрово од север облачноста се зголеми, па преовладува облачно време. Дува слаб, претежно северен ветер, само во Гевгелија ветерот е умерен.

Времето денеска ќе биде умерено до значително облачно, во северните делови со појава на локален слаб снег, претежно во планинските подрачја. Ќе дува и умерен до засилен северен ветер најизразен долж Повардарието. Максималната температура ќе биде во интервал од 1 до 9 степени.

Во Скопје умерено до значително облачно со слаб до умерен ветер од северен правец. На повисоките делови од котлината ќе има услови за провејување на слаб снег. Максималната температура ќе достигне 6 степени.