Ковачевски: Скопјани ќе имаат парно во декември
Набавен е гас од „Макпетрол“ за цел декември за потребите на топланите во Скопје, а за декември е потпишан и договор за користење на топлинската енергија од ТЕ-ТО за затоплување на системот, потврди денеска премиерот Димитар Ковачевски.
– Вчера се водеа разговори со менаџерскиот тим на „Скопје Север“ и сметам дека по потпишувањето на договорот за деловно техничка соработка со ЕСМ сите граѓани во Чаир и Бутел ќе добијат затоплување преку ЕСМ како што добиваат и сите други граѓани досега во градот Скопје, рече Ковачевски на денешната прес-конференција во Владата одговарајќи на прашање.
Тој изрази жалење за тврдењата во медиумите дека навреме не е набавен гас за декември.
– Гасот беше набавен и пред шпекулациите кои се појавија во медиумите. Жал ми е што одредени медиуми извадија наслови дека нема гас иако имаа одговор на новинарско прашање дека е набавен, но тука не можам да влијаам ниту некогаш сум се амбицирал да влијаам, посочи Ковачевски.
Премиерот повтори дека гас ќе се набавува на 30 дена со оглед на фактот што така одат и продажбите со котации од минатиот месец и со движењето на он спот цените на берзата за тековниот месец при што финалната пресметка се прави на крајот од месецот.
Ново на Сител
-
29-годишник ги избркал родителите од дома и им се заканувал со нож затоа што одбиле да му дадат пари
-
Сведочење за случајот со закланите коњи во Зоолошката градина
-
РКЕ: Дизелот се намалува за еден денар, цените на бензините остануваат исти
-
Николоски: Орце Ѓорѓиевски ќе има убедлива победа и ќе биде градоначалник на Скопје
-
Потер нов селектор на Шведска
-
Орбан: Успехот на самитот во Будимпешта е од егзистенцијален интерес за Унгарија
-
Зеленски и Макрон разговараа за притисокот врз Русија и се согласија да се сретнат во блиска иднина
-
Ѓорѓиевски: Скопје гласаше за визија, за конкретни проекти и за одговорно работење