Ѓоковиќ тренира како „луд“ и затоа е најдобар!

Горан Иванишевиќ, тренерот на рекетот број пет во светот, Новак Ѓоковиќ, раскажа како српскиот тенисер успева да се претстави на високо ниво.

 

„Тренира уште понапорно отколку кога имаше 22 години. Затоа е сè уште толку добар и затоа ќе биде уште подобар. Неговата желба да тренира, да се подобрува, да биде подобар е неверојатна“, изјави Иванишевиќ за „Експрес“.

 

Оваа сезона 35-годишниот Србин по 6-ти пат во кариерата го освои финалето на АТП, повторувајќи го рекордот на Швајцарецот Роџер Федерер на овој турнир.  Вкупно Ѓоковиќ има 21 Грен слем титула, 38 Мастерс титули и 91 АТП титула во сингл.