За време на викендот дожд, на планините снег

За време на викендот се најавува променливо облачно и посвежо време со повремени локални врнежи од дожд. На планините, особено во западните делови, ќе има повремени врнежи од дожд и снег, а на повисоките планини повремен слаб снег. Ќе дува слаб до умерен, повремено засилен ветер од североисточен правец.

Како што соопшти Управата за хидрометеоролошки работи (УХМР), во Скопје ќе биде променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе биде шест, а максималната 12 степени.

В недела ќе биде променливо облачно со повремени врнежи од дожд, особено претпладне. По одделни котлини ќе има појава на магла или ниска облачност. Ќе дува слаб до умерен ветер од југоисточен правец. Минималната температура ќе се движи од – 1 до 7, а максималната температурата од 10 до 17 степени.
Од недела ќе преовладува стабилно време со магла по котлините.