Бајден со намера да се кандидира повторно на изборите за претседател на САД

Американскиот претседател Џо Бајден, кој во ноември ќе наполни 80 години, изјави дека има намера да се кандидира за втор мандат во 2024 година, но се уште не донел конечна одлука.     

Запрашан за ова прашање во интервју за Ем-Ес-Ен-Би-Си, демократот рече дека во моментот не одлучил бидејќи доколку објави, ќе има цела низа барања и „ќе треба да се однесувам како кандидат“. Бајден рече дека сопругата Џил ја поддржува неговата кандидатура за реизбор за претседател.

Бајден е најстариот претседател некогаш избран во САД. На 20 ноември полни 80 години. На почетокот од евентуалниот втор мандат ќе има 82 години, а на крајот – 86.