Полицијата се судри со гевгелиските таксисти

Tаксистите од Гевгелија ги обновија протестите со блокади, па попладнево се судрија со полицијата, а од таму се известува за повредени.

 

Таксистите ја блокираа пругата Гевгелија-Табановце револтирани поради, како велат, непочитување на договорот кој го постигнаа завчера со Центарот за управување со кризи.

 

Според договорот преку денот тие требало да ги пренесуваат бегалците, а навечер да сообраќа возот.

Гевгелиските таксисти ги обновија протестите на пругата кај мостот на Сува река.

 

Специјалните полициски единици веднаш им се спротивставиле при што настанале турканици, а според изјавите на таксистите полицијата врз нив применила и сила.