Нов раст на референтната каматна стапка
Народната Банка по петти пат ја зголеми референтната камата, за да ја заузда инфлацијата. Комитетот одлучи основната камата на благајничките записи да биде повисока за 0,5 проценти поени и сега истата изнесува 3 отсто. За да се поттикне кредитирањето на проекти поврзани со домашното производство на електрична енергија од обновливи извори, на седницата е одлучено да се намали задолжителната резерва која банките ја чуваат во Централната банка. Основата за издвојување задолжителна резерва во денари ќе биде намелена за износот на новоодобрени кредити за финансирање проекти поврзани со производство од обновливи извори. Народната банка соопшти дека просечната инфлација за периодот од јануари до август годинава изнесува 11,6%, причините се лоцираат во порастот на увозните цени на храната и енергијата, но и на домашната цена на електричната и топлинската енергија.
Нивниот раст преносно влијае на останатите производи и услуги, па Народната банка препорачува креирање на претпазливи домашни политики. Во изминатите неколку месеци кај цените на храната се забележани поизразени надолни приспособувања на светските берзи што во следниот период може да доведе до надолни приспособувања и кај домашните цени. Воедно надолни се и ревизиите и на очекувањата за раст кај дел од овие цени, сепак неизвесноста од идната динамика на цените напримарните производи на берзите особено енергенсите е нагласена поради воените случувања во Украина се наведува во соопштението од Народната банка.
Ново на Сител
-
Охрид подготвен за чествување на Богојавленскиот водосвет
-
Павле Атанасијевиќ: И покрај поразот од Холандија, горд сум на нашата репрезентација
-
Посебен сообраќаен режим во Скопје за Водици
-
Лазаревски: Иако се подготвуваме за нивната игра, тешко беше да се спречи транзицијата на Холандија
-
Четворица загинати и тројца повредени во руски напад врз Киев
-
ДСЗИ нема утврдено недостатоци при третманот на деветгодишното дете од Свети Николе, кое почина во вторникот
-
ТикТок објави дека од утре ќе прекине со работа во САД
-
Израелската влада го одобри договорот за прекин на огнот со Хамас, стапува во сила утре