Претседателот Вељаноски на 64-от Молитвен појадок во Вашингтон
Претседателот на македонското Собранието Трајко Вељаноски присуствуваше на 64.Национален молитвен појадок во Вашингтон кој претседателот на Соединетите Американски Држави и членовите на Конгресот го организираат секоја година.
Функционери, дипломати и претставници на повеќе од 140 земји од светот разменија мислења, искуства и ставови за глобалните случувања и предизвици и заедно да се заблагодарат за пријателството и благосостојбата. На настанот се обрати претседателот на САД Барак Обама, а Вељаноски се сретна и разговараше со дел од присутните, соопшти Кабинетот на Претседателот на Собранието на РМ.
Вељаноски присуствуваше и на лидерскиот ручек организиран за земјите од Југоисточна Европа на кој учествуваа неколку конгресмени и сенатори меѓу кои и еден од домаќините на овогодинешниот Молитвен појадок, конгресменот Роберт Адерхолт.
- Молитвениот појадок како традиција е една непресушна инспирација.
Фактот дека секоја година, од сите страни на светот личности со сосема различни светогледи, вери, нации, уверувања и ставови, сосема нормално дискутираат и се разбираат, доволно говори за големината на ова дело. Живеејќи во свет во кој малку повеќе се говори за омразата отколку за љубовта, ретките настани каде таа - љубовта доминира, вреди постојано да се истакнуваат, поддржуваат и развиваат, рече во обраќањето Вељановски.
Независно од фактот каде живееме или кој народ и држава ги претставуваме, дополни, сведоци сме дека постојат теми кои ги надминуваат географските меридијани. - Прашањата поврзани со границите на колективниот морал, темите кои се однесуваат на сe поголемата изложеност на децата до содржини штетни за нивниот морал и здравје се теми кои треба сите подеднакво да нe окупираат и инспирираат да направиме нешто повеќе. Силно верувам во концептот на меѓусебно вмрежување и соработка. Убеден сум дека развивајќи ја меѓусебната доверба, даваме влог кон зацрвстувањето на темелите на ова ново морално мнозинство кое и' е неопходно на Eвропа, истакна Вељановски.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време