До крајот на годината пристигнуваат уште 27 лесни оклопни возила за Армијата
Набавката на лесните оклопни возила е еден од осумте клучни проекти за вооружување на Армијата, рече министерката за одбрана.
– Договорот е склучен минатата година, а оваа година веќе пристигнаа првите шест лесни оклопни возила. До 2028 година, треба да пристигнат 96 вакви возила, а до крајот на оваа година очекуваме да бидат испорачани уште нови 27 возила од ваков тип. Оклопните возила се веќе дел од арсеналот на Армијата и нашите војници веќе се обучуваат за нивно користење, истакна министерката Петровска во денешното гостување во емисијата „Клик плус“ на ТВ 21.
– Одлуката за американска поддршка во висина од 40 милиони долари за македонската одбрана е приказ за стратешкото партнерство и сојузништво помеѓу Северна Македонија и САД. Оваа поддршка е за нас, но и за безбедноста на сите НАТО земји, зашто сите сме дел од колективната одбрана на Алијансата, рече Петровска.
Министерката за одбрана посочи дека Петровска нашата Армијата е секогаш подготвена да одговори на сите предизвици, додавајќи дека вежбата „Блесок 22“ која се реализираше во април годинава, и оценувањето на лесниот пешадиски баталјон кој беше сертифициран по НАТО стандарди се потврда за тоа.
– Оваа оценка која лесниот пешадиски баталјон ја доби ја отсликува реалната подготвеност на оваа единица, рече Петровска и посочи дека ова претставува најпрактичен пример како се демантираат сите лажни натписи и обвинувања дека нашата Армија е неподготвена и неопремена.
Ново на Сител
-
Мерц: АфД е „деструктивна сила“ која никогаш нема да освои апсолутно мнозинство
-
„Екс ју авијација“: „Ер Србија“ со 14 лета неделно меѓу Белград и Скопје во зимската сезона
-
За две години во Србија се породиле повеќе од 3.500 тинејџерки, 31 биле помлади од 15 години
-
Утрово уапсен Перпарим Бајрами, сам се предал на полицијата
-
Македонија прослави 35 години независност со светски музички спектакл на Давид Гета | ФОТО
-
Изминатото деноноќие вкупно 34 пожари, три активни, седум под контрола
-
Во Осло денеска државен погреб на норвешкиот крал Харалд Петти
-
Шји Џјинпинг и Путин му честитаа на Ким Џонг-ун по повод националниот празник на Северна Кореја
