Започна 13. издание на фестивалот „МакеДокс“, вечерва почнува програмата „Земја во фокус“

Под мотото „Лупење идеи“ во Куршумли-ан вчеравечер беше отворено 13. издание на Фестивалот на креативен документарен филм „МакеДокс“.
Пред присутните во Куршумли-ан, на отворањето на фестивалот се обратија Сара Ферро и Павле Игновски од екипата на „МакеДокс“.
Ферро потсети дека мотото доследно ќе ја води публиката низ целата фестивалска програма, додека Игновски истакна дека отворањето на фестивалот е со посвета на еден прерано починат соборец од екипата на фестивалот – Љубиша Ивановски – Лепи.
Филмската програма беше отворена со белгискиот краток документарен филм „Иднината е водена палата“ на режисерката Хуанита Онзага, која по проекцијата даде дополнителни објаснувања за својата водена и надреална филмска авантура. Потсети и дека нејзин филм вторпат се прикажува на „МакеДокс“.

Од главната програма беше прикажан документарниот филм „Сè што дише“ на режисерот Шаунак Сен, филм кој е индиско-британска копродукција. Вечерта беше затворена со концерт на групата „Баклава“.
Вечерва, како што најавија организаторите, започнува програмата Земја во фокус, што оваа година носи осум нови документарни филмови од Чешка. Програмата ќе биде отворена во Куршумли-ан со филмот „Рене – затвореник на слободата“ на почесната гостинка Хелена Тшештикова, мајката на „тајм-лапс документарецот“, која ќе биде присутна на проекцијата. За утре е предвидено да се одржи и мастерклас со Тшештикова во Europe Housе-Скопје за тоа како ги развива своите идеи и како ги доведува до целосно филмско дело.
Во функција вечерва ќе биде ставена и втората сцена на платото пред Музејот на Република Северна Македонија, со проекции на четири краткометражни и четири долгометражни филмови со паралелни термини во програмата.
Тринаесеттото издание на „МакеДокс“ е поддржано од Агенцијата за филм на Северна Македонија, Програмата МЕДИА на „Креативна Европа“, Националната фондација за демократија од Вашингтон, Институтот „Јунус Емре“ – Скопје, Чешката Амбасада во Скопје, Чешкиот културен центар во Софија, Сивус Скопје – Групација „Арикома“, Грчкиот културен центар, МЕДИА деск МК, Музеј на Република Северна Македонија, Археолошки музеј, Музеј на современата уметност, такси „Глобал“.
Билети може да се набават онлајн преку продажната мрежа на мк.тикетс. Целовечерен билет за проекциите во Куршумли-ан чини 200 денари, а билет за втората проекција во Куршумли-ан чини 150 денари. Единечен билет за проекциите на платото на Музеј на Република Северна Македонија може да се набави по цена од 100 денари. Билетите за церемонијата на доделување награди на 24 август се со цена од 300 денари. Единечен билет за проекциите во МКЦ е 50 денари, а за деца под 10 години билетите се бесплатни.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
