Изгаснат шумски пожар во атарот на виничкото село Блатец
Со брза и ефикасна интервенција на пожарникарите од Територијалните противпожарни единици од Кочани и Виница доцна попладнево е изгаснат шумски пожар на падините на Плачковица, во атарот на виничкото село Блатец.
Огнот зафатил дел од дабовата шума и нискостеблести растенија на околу 15 хектари, а пожарникарите навреме спречиле да се прошири кон овоштарници и помошни објекти во близина.
-Околу пладне добивме повик за пожар во месноста Скараница, непосредно до регионалниот патен правец од Виница кон Берово, по што со две наши интеревентни воизла и една цистерна се упативме на посочената локација. Како поддршка во гаснењето ни се придружија и колегите од Територијалната противпожарна единица и од Доброволното протипожарно друштво од Кочани со уште две возила. Заедно со месното население и вработени во околните стопанските објекти, формиравме три интервентни екипи, по што огнот беше локализиран, а потоа целосно изгаснат, истакна Станко Спасов, командир на ТППЕ – Виница.
Како превентива од повторно разгорување на пожарот, во текот на попладнево и во вечерните часови ќе има дежурна екипа од пожарникари со едно интервентно возило.
За пожарот се известени и надлежните служби во Полициската станица во Виница.
Ново на Сител
-
Во Лазарополе утрово најстудено, најмногу дожд во Дебар
-
114 сообраќајни санкции во Скопје
-
Од утре изменет режим на сообраќај на автопат А1, делница Петровец - Катланово
-
Управниот суд ја одби како неоснована тужбата на Европскиот фронт за решението на ДИК за прегласувањето во Желино
-
Македонија ги дозна противниците за Мундијалот, ќе играме во Вараждин
-
Европол: Уапсени четири луѓе во голема меѓународна операција против малициозен софтвер
-
Косовската полиција заплени пари од трезорот на НБС во северниот дел на Косовска Митровица
-
Поротата во судењето на Трамп го заврши првиот ден од расправата без да донесе пресуда