Левица: Сите лица со фантомки ќе бидат отстранети од редарските служби
Маските за „европска Македонија“ на нелегитимната власт на пробугарскиот СДС одамна се паднати. Сите декларирани алузии за македонскиот идентитет, јазик, политичка автономија и сувереност, економски просперитет и слични манипулации на криминалната владејачка класа се разбиени – македонизмот и македонскиот работник се жртва на нивните лукративни интереси.
Лажни и манипулативни се нивните „повисоки цели“ поради кои македонскиот народ го лишат од основните атрибути на неговиот културен и политички идентитет и историски континуитет. Со прифаќање на понудениот Предлог НЕ СЕ ОТВОРА ПАТОТ ЗА ИНТЕГРАЦИЈА на Македонија во ЕУ, туку се завршува процесот на нејзината конечна дезинтеграција – исчезнување на македонска држава во Европа.
Македонскиот јазик станува прв јазик за кој ЕУ (преку Бугарија) официјално ја отвара можноста да биде негиран и предмет на преговарање за интеграција;
Не постои никаква гаранција дека Бугарија во иднина нема да блокира. Нивните барања стануваат целосно дел од процесот, и ќе можат да се наметнуваат нови;
EУ и Бугарија, со барањата поврзани околу работата на т.н. Историска комисија сакаат од македонскиот народ и држава да создадат бугарска играчка која нема сопствено минато и целосно да го погазат револуционерното, партизанското, антифашистичко и АСНОМ-ско минато, негирајќи постоење на македонски народ со свои атрибути пред 1945 година!
Затоа, во овој критичен историски момент нема простор за слабост и чекање, неопходен е автентичен и силен отпор на македонскиот народ!
Апелираме да не се потпаѓа на провокациите на полициските инфилтратори и вечер повторно МАСОВНО и достоинствено да протестираме против присилната бугаризација на Македонија!
Сите лица со фантомки ќе бидат отстранети од редарските служби.
Центар за комуникација на политичката партија Левица
Ново на Сител
-
Силен земјотрес регистриран во западниот дел од Турција
-
Нетанјаху: Целта на Израел не е да ја окупира Газа, туку да ја ослободи од Хамас
-
Четири пациенти со тешки повреди примени на хируршките клиники во Скопје, по вооружена пресметка во Тетово
-
Вeнс: Се одредува датумот на средбата меѓу Путин и Зеленски за завршување на војната
-
Едно лице е убиено во напад со автоматска пушка во Тетово
-
Началникот од Демир Хисар ќе биде разрешен
-
Таксист од Гевгелија нападнат и ограбен од двајца патници
-
Скопјанец прегазил две 80-годишни жени на крстосница