ВМРО-ДПМНЕ: Фиксно намалување за 50 проценти на акцизата за горивата за помош на стопанството
Пратеничката група на ВМРО-ДПМНЕ бара веднаш да се стави на седница законот за намалување на акцизите на енергентите кој што го поднесовме по итна постапка.
Бараме фиксно намалување за 50% на акцизата за дизел горивата и бензинот.
По новото зголемување на цената на нафтата на меѓународните пазари од 122 долари за барел се соочуваме со повторно зголемување на цените на дизел горивото и сега се гледа дека моделот на Владата за намалување на акцизата нема никаков ефект.
Денес, бензиските пумпи нафтата ја земаат за 83 денари, а ја продаваат за 81 денар, што значи дека работат со загуби но исто така ова зголемување дополнително ги оптеретува и граѓаните.
Сметаме дека наместо Владата да излегува со некакви паушални компарации со други земји од регионот и да убедува како сме плаќале најевтино гориво, а притоа не ја зема во предвид куповната моќ на граѓаните и животниот стандарт, да го прифатат овој закон кој што гарантирано ќе влијае за намалување на цената на енергентите.
Со овој закон за фиксно намалување на акцизата за 50% ќе му се помогне на стопанството, а со самото тоа и на граѓаните. Дополнително, пониска акциза значи помош за транспортниот сектор, а со тоа и превенирање од повисоки цени на производите во маркетите, такси превозот, меѓуградскиот превоз и други области кои се поврзани со транспортни трошоци.
Бране Петрушевски, пратеник на Пратеничката група на ВМРО-ДПМНЕ
Пратеничка група на ВМРО-ДПМНЕ
Ново на Сител
-
Претседателот на Собранието ги распиша локалните избори на 19 октомври
-
18-годишник со мопед удрил во паркирано возило, тешко повредена неговата малолетна сопатничка
-
НАТО го поздрави мировниот договор меѓу Ерменија и Азербејџан
-
Сирија одбива да учествува на состаноците со курдските сили во Париз
-
Иран го поддржа мировниот договор меѓу Азербејџан и Ерменија
-
Кабел со кој се крадела електрична енергија предизвикал пожар на куќа и бандера во Чаир
-
Пожар во автобус на ЈСП - во него немало патници
-
Исчезна 16-годишно девојче во Струмица