Москва: Уништени разузнавачки центри на украинската армија во Одеса

Рускиот крајбрежен ракетен систем „Бастион” ги уништил електронските разузнавачки центри на украинската армија во областа Одеса, соопшти денеска портпаролот на руското Министерство за одбрана, Игор Конашенков.

– „Бастион” ги уништи разузнавачките центри во местата Велики Далњик и Великодолинское, истакна Конашенков.

Тој додаде дека руски борбен авион рано утринава уништил четири ракетни системи на противвоздушната одбрана на украинската војска, меѓу кои три системи С-300 и еден Бук-М1.

– Руската армија со помош на беспилотни летала во раните утрински часови гаѓаше 69 воени објекти, а меѓу целите беа и четири команди, вклучувајќи го и штабот на една бригада. Соборени се 12 украински беспилотни летала, посочи Конашенков.