Русија објави список на непријателски земји, меѓу нив и Северна Македонија

Владата на Руската Федерација објави список на земји кои вршат „непријателски дејствија против Русија“ меѓу кои е и Северна Македонија, соопшти прес-службата на Кабинетот на министри.

– Владата одобри список на странски земји и територии кои вршат непријателски дејствија против Русија, руските компании и граѓани. Наредбата за тоа е потпишана – се наведува во соопштението.

На списокот се Австралија, Андора, Албанија, Велика Британија, земји-членки на ЕУ, Исланд, Канада, Лихтенштајн, Северна Македонија, Микронезија, Монако, Нов Зеланд, Норвешка, Јужна Кореја, Сан Марино, Сингапур, САД, Тајван, Украина, Црна Гора, Швајцарија, Јапонија.