Заврши оценувањето за обвинителите, изборот во текот на неделата

Советот на јавни обвинители ја заврши постапката за оценување на обвинителите кои се во трка за влез во обвинителството за организиран криминал и корупција.

Според одлуките донесени на денешната седница во конкуренција за 5-те испразнети места влегуваат сите 10 обвинители кои конкурираа на огласот кој заврши на почетокот на декември.

Од Советот информираат дека 9мина од нив биле позитивно оценети од шефовите на обвинителствата, додека за една обвинителка со негативни оценки, на денешната седница членовите на Советот одлучувале сами и и дале позитовна оценка, со оглед дека тоа им го дозволува законот.

Седница за избор на нови обвинители за организиран криминал и корупција се очекува во текот на неделата. Обвинителството на Рускоска од почетокот на месецов работи со само 8 обвинители, откако на 5мина им заврши мандатот.