Почина актерот Љубе Терзијев

Синоќа на 72-годишна возраст почина актерот Љубе Терзијев, долгогодишен член на велешкиот театарски ансамбл, информираат од велешкиот театар „Јордан Хаџи Константинов-Џинот“.

Како актер прво работи во Народниот театар во Штип од 1971 до 1975 година, а во Народниот театар „Јордан.Х.К.Џинот“- Велес е од 1975 година, па се до пензионирањето во 2014 година.

Терзијев има остварено голем број на театарски улоги меѓу кои посебно се издвојуваат Џими во „Вејка на ветерот“, Јасон во „Медеја“ , Ампо во „Чорбаџи Теодос“ , Герард во „Младоста пред суд“,Оливер Кромвел во „Кобното тркалце“,Цермонијал Лужин во „Злосторство и казна”, Липовски во „Кукавично јајце“, Чорбаџи Миладин во „Сомнително лице“,Бордир во„Крал Иби“,Жевакин во „Женидба“,Супериус во „Пеш“, Господинот Диманш во „Дон Жуан“, Мисајле во „Хамлет од Долно Дивјаци“, Степан во „Предлог за брак“(„Брачни понуди“), Господ во „Утешение грешним“,Духот на Едип во „Антигона“,Кадмо во „Бакхи“, Василие во „Радован III-ти“,Џон Фримен во „Четвртата сестра“ и други.

Погребот на актерот Љубе Терзиев е  утре ,4 февруари 2022 година, во 12:30 часот на гробиштата во црквата „Св. Пантелејмон“ во Велес.