ОН: Исламска држава извршила воени злосторства во ирачки затвор
– Шефот на тимот на ОН што ги истражува злосторствата во Ирак, Кристијан Ричер, изјави дека екстремисти на џихадистичката група Исламската држава (ИД) извршиле воени злосторства и злосторства против човештвото во затворот во Мосул во јуни 2014 година, каде систематски се убиени најмалку 1.000 муслимански затвореници, главно шиити.
– Доказите собрани од масовни гробници со посмртните останки на жртвите на егзекуцијата во централниот затвор Бадуш и од преживеаните, ги покажуваат деталните подготовки за нападот од страна на високи претставници на ИД, извршен на 10 јуни рано наутро, изјави Ричер вчера пред Советот за безбедност на ОН.
Тој истакна дека „заробените биле однесени на локации во близина на затворот, разделени врз основа на религијата и понижени. Најмалку илјада, главно шиитски затвореници, се убиени“.
Ричер додаде дека со анализа на дигитални, документарни и форензички докази, вклучително и документи на Исламската држава, се идентификувани голем број членови на екстремистичката група, кои се одговорни за злосторствата.
Како резултат на истрагата, Ричер нагласи дека истражниот тим на ОН заклучил дека ИД извршила „злосторства против човештвото за убиства, истребување, тортура, присилни исчезнувања, прогон и други нехумани дејствија“ во затворот Бадуш, како и „воени злосторства за случајни убиства, тортура, нехумано постапување и нарушување на личното достоинство“.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд