30 дневен притвор за кавадарчанецот кој избоде маж до смрт

Од страна на судија во претходна постапка, на Основен суд Кавадарци, на 45-годишен кавадарчанец му е определена мерка притвор во траење од 30 дена за кривично дело „убиство”, по  член 123 став 1 од КЗ, потврди за МИА, Лазар Нанев, претседател на кавадаречкиот суд.

Претходно, МВР информираше дека денеска околу 04:30 часот во Кавадарци, полициски службеници од Полициската станица Кавадарци го лишиле од слобода Х.С.(45) од Кавадарци. Тој се сомничи дека околу 23:30 часот, при физичка пресметка помеѓу повеќе лица на  ул.„Методија Џунов“ во „Брушанско Маало“ во Кавадарци, при што биле употребени остри и тврди предмети, со остар предмет му нанел убодна рана на З.П.(59)од Кавадарци, кој подоцна починал во болницата во Кавадарци.