Ракометарите на Еурофарм Пелистер гостуваат кај Кадетен во Шафхаузен
– Ракометарите на Еурофарм Пелистер, во рамки на второто коло од ЕХФ ракометната лига, вечер во „Би-Би-Си Арена“ во Шафхаузен ќе се сретнат со домашниот тим Кадетен Шафхаузен.
Битолчани претпладнево во 11 часот ќе одржат тренинг, а во 18.45 часот ќе се обидат да ги освојат првите бодови во второто по ранг европско ракометно натпреварување.
– Очекувавме многу подобар натпревар и ќе дадеме се од себе да се покажеме во подобро светло, а ако има можност да освоиме и бодови, изјави ракометарот Јосип Божиќ Павлетиќ, во пресрет на дуелот со Кадетен и додаде дека домашниот тим располага со квалитетни ракометари меѓу кои средниот бек Шелкер и Кањељас.
Во тимот на Кадетен Шафхаузен доминираат швајцарски репренетативци, но и интернационалци од Германија, Шпанија, Хрватска, Холандија, Австрија и Унгарија.
Европската ракометна федерација-ЕХФ одлучи арбитри на средбата меѓу Кадетен Шафхаузен и Еурофарм Пелистер да бидат двете познати германски судијки, Маике Мерц и Тања Кутлер.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка