Поради замена на апарат гласањето на едно избирачко место во Росоман ќе се продолжи за еден час и 50 минути

Се појавил проблем на едно избирачко место во општина Росоман, во село Трстеник, не работел апаратот и бил заменет со нов. Таму гласањето ќе се продолжи за еден час и 50 минути. Ова го потврди за МИА, Ѓорѓи Крстевски, претседател на Општинска изборна комисија.

Во Росоман се бира меѓу тројца кандидати за градоначалник, како и за шест советнички листи. Во избирачкиот список има регистрирано  3 341 лице со право на глас. Се гласа на десет избирачки места