Шилегов: За мене скопјани се најважното нешто во овој град, не е политиката

Кандидатот и актуелен градоначалник на Скопје, Петре Шилегов во вечерашната Тема на денот на Сител во однос на впечатокот од проектите кои ги имаат противкандидатите, а ги нема во неговата програма кажа дека за жал неуспеал да препознае концепт во било кој од противкандидатите.

- Градот не е решавање на проблематиката на микро ниво, проблеми на микро ниво секогаш имало и секогаш ќе има, ќе се појавуваат секогаш, тоа е нормална работа. Она што е неопходно на овој град е стратешки развој, она што е неопходно на овој град е да ги ставиме интересите на скопјани пред политиката, тоа е она што го работевме во изминатите 4 години и јас стално велам и во кампањата за мене скопјани, луѓето се најважното нешто во овој град, не е политиката. Го сменивме тој паритет, порано луѓето беа употребувани да служат на политиката, сега се случува сосема спротивното, политиката служи на граѓаните. Во овој мандат успеавме нешто што порано било навистина тешко да се разбере, а тоа е конечно да го обединиме градот, такво нешто не успеав да препознаам.