Арифи најави гасификација, фотоволтаични системи и подземни контејнери за подобра животна средина во Тетово

Градоначалничката на Тетово и кандидатка за нов мандат Теута Арифи денеска одржа трибина за делот од програмата што се однесува на т.н. зелена агенда, на прашањата важни за екологијата и здравјето на граѓаните.

Арифи рече дека и досега се реализирани проекти за унапредување на животната средина како што се субвенционирање инвертери за домаќинства и образовнии установи, фотоволтаични системи за училиштата, пречистителната станица за вода, зелен кров во градинка,…

-Нашата програма за идниот мандат е продолжување и зголемување на можностите. Еден од капиталните проекти многу значаен е гасификацијата. Ние ќе продолжиме со поставување на фотоволтаични системи – нашата цел е сите училишта да ги снабдиме со фотоволтаични системи затоа што тоа е многу значајно за животната средина, како и за намалување на трошоците на училиштата. Веќе сме завршени со процедурите и проектот ние готов за полуподземни контејнери имаме 31 локација каде што тие ќе бидат поставени. Исто така зачувување и проширување на зелените средини, проектот за Бањиче и другите проекти кои се важни од аспекти на животна средина, изјави Теута Арифи.

Таа посочи дека како што досега работела, и во иднина ќе се заложи за продолжување на булеварите во Тетово со цел што помалку возила да влегуваат во центарот и така да се намали загадувањето на воздухот.