Очевидец на пожарот во Тетово: Беше како да пука бомба

Неџмедин Алити е 37 годишен фудбалер од Тетово, синоќа меѓу првите луѓе истрчал на местото на пожарот во модуларната ковид болница во Тетово и учествувал во гаснењето, пренесува „Слободен печат“.

-Сè се случи многу брзо. Беше како да пука бомба. Бев тука во 9.10 часот. На самото место имаше пожарни, полицајци. Половина од болницата беше зафатена од пожарот и јас тука бев тука да го гаснам пожарот, не влегував внатре, други влегуваа. Страшно, се слушаше пукање. Има луѓе кои се плашат од пукање, ама јас сум хуман човек, не се плашам, сакав да помогнам, раскажа Алити.