Заев: Граѓаните треба да бидат горди што меѓу првите понудивме помош за граѓаните од Авганистан

- Никој не побара од нас, сами се понудивме да преземеме и споделиме дел од одговорноста, човечноста и хуманоста по целосното заземање на Кабул од страна на талибанските сили. Се работи за луѓе кои биле поддржувачи на сојузничките армии, вклучително и на нашата армија во Авагнистан. Се работи за миротворици, активисти за човекови, новинари, жени, студенти, интелектуалци, луѓе на кои треба да им помогнеме во услови кога се под страв да им бидат одземени животите, изјави денеска премиерот Зоран Заев, отфрлајќи ги сите шпекулации за бран на бегалци или можни териристи или било какви застрашувања кон државата.

Нашите граѓани треба да бидат горди за тоа што учествуваме во една ваква хумана мисија и што бевме една од првите држави кои се вклучија, додаде Заев.