НФЛ: Ремси ќе играат на стадион од 3 милијарди ?!

Стотина илјади фанови на американскиот фудбал излегоа на улиците да го прослават враќањето на овој спорт во Лос Анџелес откако челниците на НФЛ дозволија екипата на Ремси да игра во овој град.

Ремси после 21 година се враќаат во градот во кој играа цели 49 години пред да се преселат во Сент Луис.

Ваквата одлука дојде откако беа испочитувани пропозициите кои велат дека дозволата мора да стигне од сопствениците на клубот.

Сопственикот на клубот Стен Кренке најави дека во предградието Инглвуд планира да изгради спортски центар вреден 3 милијарди долари до 2019 година. Во меѓувреме најверојатно Ремси ќе играат на ЛА Колосеум.