Амбасада на САД во БиХ: Неприфатливо негирање на геноцидот и глорифицирање на воени злосторници
Негирањето на геноцидот и глорифицирањето на воените злосторници се неприфатливи и ја поткопуваат заемната доверба неопходна за напредокот на БиХ на патот кон ЕУ, соопшти денеска американската амбасада во БиХ.
Тоа што Високиот претставник во БиХ, Валентин Инцко, кој наскоро ќе ја напушти функцијата, денеска наметна закон со кој забраната за негирање на геноцидот ќе се казнува со затвор до пет години, „покажува колкаво значење му придава на ова прашање, што е важно за стабилноста на БиХ и го нагласува континуираниот императив дека сите во БиХ треба да придонесат за помирување“, се наведува во соопштението на Амбасадата на САД.
Амбасадата оцени дека Законот за изменување и дополнување на Кривичниот законик на БиХ, со кој се забранува негирање на геноцидот, е почетна точка за поконкретен разговор и чекори што треба да ги преземат локалните актери во врска со спроведувањето на тој акт.
– Мора да нагласиме дека геноцидот во Сребреница не е тема за дискусија, туку историски факт. Еднакво важно е да се нагласи дека овие страшни злосторства не се одраз или осуда на целиот народ, се нагласува во соопштението.
Се објаснува дека „славењето на воените злосторници од која било страна или непочитувањето на страдањата на која било заедница во БиХ го влошува сеќавањето на жртвите и го поткопува помирувањето“.
Амбасадата ги поздрави сите оние кои работат во БиХ за зајакнување на мирот и попросперитетна иднина, а го поддржа и мандатот на Високиот претставник за следење на спроведувањето на цивилните аспекти на Дејтонскиот мировен договор.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера