Шекеринска во заедничка посета на Летонија со министрите за одбрана на Црна Гора и Словенија
Министерката за одбрана Радмила Шекеринска денеска престојува во еднодневна работна посета на Летонија, заедно со министрите за одбрана на Словенија, Матеј Тонин и на Црна Гора, Оливера Ињац.
Домаќин ќе им биде заменик премиерот и министер за одбрана на Летонија, Артикс Пабрикс.
Како што соопшти Министерството за одбрана, заедничката посета на тројца министри за одбрана испраќа моќна порака на силно регионално сојузништво, доверба и планови за уште поинтензивна соработка.
Шекеринска ќе го договара можното вклучување на Македонија кон НАТО мисијата „Зајакнато истурено присуство“, во борбената група чиј домаќин е Летонија, под командна палка на Канада, a во рамките на словенечкиот контингент.
Министрите ќе имаат брифинг со командантите на Механизираната бригада на копнените сили на Летонија Сандрис Гаугерс, и на Канадските наменски сили Жан-Франсоа Чауден, а ќе извршат и обиколка на базата на мисијата и седиштето на словенечкиот контингент.
Заедничката посета на Летонија е уште еден чекор во духот на зајакнување на регионалната одбранбена соработка меѓу Македонија, Црна Гора и Словенија, која особено се интензивираше по членството на нашата земја во НАТО, стои во соопштението на Министерството за одбрана.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
