Градоначалникот на Москва нареди задолжително вакцинирање против коронавирусот
Московскиот градоначалник, Сергеј Собјанин, денеска нареди воведување задолжителна вакцинација против коронавирусот за сите вработени во услужниот сектор, како дел од борбата против драматичната епидемиолошка ситуацијуа во рускиот главен град.
-Едноставно, треба да сториме се што е можно за да извршиме масовна вакцинација што е можно поскоро и да ја запрема оваа страшна болест и да ја запреме смртта на неколку илјади луѓе, рече Собјанин.
Градоначалникот на Москва цела оваа недела ја прогласи за неработна поради зголемениот број на заразени со коронавирусот. Во моментов во Москва се хоспитализирани 12.000 лица.
Најавата на Москва за задолжителна вакцинација против коронавирусот е прва во Русија и е во спротивност со изјавите на претседателот Владимир Путин, кој кажа дека се противи на присилната вакцинација, иако и тој ги повика Русите да се вакцинираат.
Собјанин рече дека во Москва, метропола со околу 13 милиони жители, вакцинирани се само 1,8 милиона лица.
Во последните 24 часа во Русија се регистрирани 13.397 новозаразени и 396 смртни случаи од коронавирус. Во Москва, во истиот период биле заразени 5.782 лица, а 75 лица умреле.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера