Ружиќ – Царовска: Подобрување на научната и образовната соработка и образованието на националните малцинства
Министерката за образование и наука на Македонија, Мила Царовски и вицепремиерот на Владата на Србија и министер за образование, наука и технолошки развој, Бранко Ружиќ, денеска имаа средба во Белград на која разговарале за подобрување на научната и образовната соработка и образованието на националните малцинства, за чиј статус треба да продолжи дијалогот, јави дописникот на МИА од Белград.
На прес-конференцијата, двајцата министри посочија дека билатералните односи меѓу Србија и Македонија се подобруваат, но и дека има простор за подобрување на соработката во областа на образованието и националните малцинства.
Министерката Царовска на средбата со Ружиќ ја истакна важноста од дигитализацијата низ која поминуваат образовните системи на двете земји и се согласи дека програмите на европските фондови се важни и за Македонија и за Србија.
– Сметам дека двете држави се соочуваат речиси со исти предизвици во делот на унапредување на квалитетот на образованието.Сведоци сме дека пандемијата предизвика потреба за брза дигитализација и подготовка за идни вакви предизвици. Ако продолжиме да ја интензивираме нашата соработка, заеднички ќе можеме да учиме од нашите искуства и да градиме резистентни образовни системи. Наскоро ќе ја потпишеме нашата соработка, која ќе ги содржи сите оние идни програми преку кои ќе може да аплицираме во европските фондови, изјави Царовска на прес – конференцијата.
Таа посочи дека има простор за подобрување на образовната и научната соработка и дека двете министерства веќе работат на новата програма за соработка за следниот период, соопштија од српското министерство за образование.
Министерот Ружиќ посочи дека во интерес на двете земји е заеднички да се појават со стратешки проекти пред програмите на ЕУ, како што се Хоризонт, Еразмус и слично.
-Нашата шанса се и регионалните иницијативи што можеме сами да ги дизајнираме и покренеме, со цел да го направиме целиот наш регион попривлечен за истражување, изјави министерот Ружиќ.
Ново на Сител
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани