Словенија подготвена за претседавањето со ЕУ, еден од приоритетите е почеток на пристапните преговори со Македонија
Словенија е добро подготвена за претседавањето со Советот на Европската унија, што започнува на 1 јули, а најважните теми на дискусија ќе бидат Конференцијата за иднината на ЕУ и напредокот на земјите од Западен Балкан на нивниот пат кон ЕУ, а особено почетокот на пристапните преговори со Македонија. Тоа го изјави денеска словенечкиот министер за надворешни работи Анже Логар.
– Следните месеци ќе бидат многу тешки за сите нас. Затоа, денеска и утре нема да разговараме толку многу за самото претседателство, туку генерално како да ги материјализираме нашите позиции и нашите обврски од стратегијата за надворешна политика и нашата програма за претседавање, изјав Логар на затворена словенечка конференција за дипломатите која се одржува на Брдо кај Крањ, јави СТА.
– Ни претстојат многу досиеја со големи барања и ќе мора да работиме напорно, нагласил тој пред дипломатите.
Анализирајќи ги односите со соседните земји, Логар истакна дека од минатиот септември, кога беа одржани последните консултации од таков вид, деловната соработка и развојот на инфраструктурните односи се во прв план, што според него може да помогне во надминување на некои отворени прашања.
Словенечкиот претседател Борут Пахор ќе им се обрати на дипломатите денеска, а обраќањето на премиерот Јанез Јанша е најавено за утре.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје