Следниот „Оскар“ ќе се доделува во март, еден месец подоцна од предвиденото
Организаторите на „Оскарот“ соопштија дека следното доделување на овие филмски награди ќе се случи кон крајот на март 2022 година, еден месец подоцна од предвиденото. Тие најавија и дека повторно ќе може да се натпреваруваат и филмови објавени на стрим-платформите.
Во соопштението на американската Академија за филмски уметности и науки, се вели дека доделувањето на Оскарите за 2022 година ќе се одржи на 27 март, на традиционалното место – холивудскиот Долби театар.
Причината за промена на датумот официјално, не е објавена. Но, претпоставките говорат дека организаторите не сакаат да се борат за телевизиската публика со Зимските олимписки игри и „Супербол“ финалето на американското рагби, коишто се одржуваат во февруари.
Оскарите оваа година беа преместени од февруари во април и, исто така – поради пандемијата, беа пренесувани и од познатата железничка „Јунион“ станица во Лос Анџелес, покрај Долби театарот.
Ново на Сител
-
Кривична пријава против осум лица од Виница и виничко за кривични дела во врска со бесправна сеча и транспорт на огревно дрво
-
МВР: Лишен од слобода скопјанец поради кражба на бакарни кабли во вредност од 200 000 евра
-
Во Чешка разбиена криминална група која шверцувала кокаин во торти
-
Физичка пресметка помеѓу пратениците во Парламентот на Турција
-
Во ГОБ „8-ми Септември“ повторно работи неврохируршката служба, оперирани двајца пациенти
-
Алиу на онлајн-состанок со странски експерти за кардиохируршки интервенции - процесот го водиме за независен стручен увид на состојбата
-
Словенечки вештак сведочи за несоодветни терапии во случајот „Онкологија“, судењето продолжува утре
-
Обезбедување украло бакарни кабли вредни 200.000 евра од градилиште во Центар
