Флорида прогласи вонредна состојба поради недостиг на гориво
Гувернерот на Флорида Рон Десантис прогласи вонредна состојба во врска со можниот недостиг на гориво предизвикан од прекинот во снабдувањето по кибер нападот врз најголемата американска компанија „Колонијал пајплајн“ (Colonial Pipeline).
„Неочекуваното затворање на најголемиот гасовод и оттаму произлезените нарушувања во снабдување со гориво претставуваат сериозна закана за Флорида и бараат итни мерки за заштита и олеснување на снабдувањето со гориво сè додека гасоводот повторно не се стави во функција“ се вели во соопштението Се истакнува дека вонредната состојба ќе трае 30 дена и може да се продолжи доколку е потребно.
Според телевизискиот канал ВТСП (WTSP), гувернерот стравува од недостиг на гориво во северните делови на државата. Наметнувањето на вонредна состојба ќе ги отстрани ограничувањата за големината и максималната тежина на бензинските камиони што можат да се движат низ Флорида.
„Колонијал пајплајн“, кој пренесува голем дел од своето гориво од Тексас до источниот брег на САД, соопшти дека минатата недела бил извршен напад со малициозен софтвер врз неговите системи. Станува збор за програма што влегува во компјутерски систем и привремено го блокира неговото работење со криптирање на податоци сè додека жртвата не ја плати сумата што ја бараат хакерите. Процесот на враќање на нормалните активности е веќе започнат и се очекува гасоводот да биде во функција до крајот на оваа недела.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време