Во Велика Британија од септември и средношколците ќе можат да примат Фајзер вакцина

На средношколците во Велика Британија од септември ќе им биде понудено да се вакцинираат против коронавирусот, во рамките на планот на Националната здравствена служба (НХС), пишува Сандеј тајмс.

Плановите, кои, наводно, биле потврдени од НХС и владини извори, вклучуваат една доза од вакцината на Фајзер/Бионтек за деца над 12 години, кога ќе почне учебната година, пишува Индипендент.

Идејата потекнува од Заедничкиот комитет за вакцинација и имунизација, а особено ветуваат тестовите на Фајзер врз деца – фармацевтската компанија објави дека вакцината е 100 проценти ефикасна кај деца на возраст од 12 до 15 години.