Кумановец веќе единаесет дена е исчезнат

Шеесет и осумгодишен кумановец веќе 11 дена се води за исчезнат. МВР ги објави неговите податоци на официјалната страна.

Стојадин Марковски (роден 18.04.1953 година) има 68 години и е од кумановската населба Карпош. Тој во недела, на 14-ти месецов излегол од дома доцна вечерта да чисти снег пред куќата и повеќе не се вратил. Утредента неговите блиски пријавиле во полицијата. Кога излегол од  дома бил облечен во црвена јакна, фармерки и бели патики.

Доколку некој го препознае треба се обрати во најблиската полициска станица или да достави информации на бројот 192.