Борисов е за електронски пасош за вакцинирани и луѓе што прележале Ковид-19 за слободно патувањe
За оние кои се вакцинирани во Европа, да се направат електронски пасош или зелен електронски коридор за оние кои прележале и со антитела или документ дека биле вакцинирани, да не им се наложува да прават ПЦР, да се ставаат во карантин и да не им се попречува патувањето, иајви бугарскиот премиерот Бојко Борисов за дописникот на МИА од Софија.
Борисов, вечерва ќе учествува на видео конференција на членовите на Европскиот совет, на која ќе се дискутира за ова прашање.
– Се согласивме со австрискиот премиер Себастијан Курц и со другите колеги, со нашите грчки пријатели, како ќе го наречеме – електронски, зелен пасош, но да им олесниме на сите што биле вакцинирани и болни да живеат нормален живот, рече Борисов.
Во врска со непочитувањето на договорот за испорака на вакцини од страна на АстраЗенека тој коментира дека се прави се што е потребно и се надева дека ЕК ќе биде многу построга, „ако треба дури и преку суд, и оти парите ќе бидат вратени“.
– Ги потсетувам големите глобални компании дека инвестиравме за производство на вакцини. Не е фер ако некој даде повеќе пари од ЕУ за да им се испраќаат повеќе вакцини. Ова е дури и неприфатливо. Не е коректно, не е фер, не е правилно.
Според него, ЕК треба да биде „крајно сурова“ и истакна дека ја поддржува Урсула фон дер Лајен со сè во оваа област.
Борисов додаде дека Бугарија е подготвена да испрати авион за да ги земе вакцините, бидејќи тоа ќе заштеди еден до два дена од превозот.
„Со авион ќе ги испратиме најдобрите бугарски виролози за да можеме да ги почитуваме сите правила. И со ова темпо на вакцинација, два дена заштедени од доставата значат уште 40.000 вакцинирани бугарски граѓани, рече бугарскиот премиер.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава